హైదరాబాద్ : టీడీపీ అధ్యక్షుడు చంద్రబాబునాయుడుపై టీఆర్ఎస్ నేత కడియం శ్రీహరి తీవ్రస్థాయిలో విరుచుకుపడ్డారు. కాంగ్రెస్-టీడీపీ మ్యాచ్ ఫిక్సింగ్‌లో భాగంగానే చంద్రబాబు ఢిల్లీ పర్యటన అని ఆయన సోమవారమిక్కడ వ్యాఖ్యానించారు. అవిశ్వాసానికి మద్దతు ఇవ్వని బాబు ఇప్పుడు మంత్రులను రాజీనామా చేయాలని డిమాండ్ చేయటం విడ్డూరంగా ఉందన్నారు. కిరణ్ కుమార్ సర్కార్ ను కాపాడుతున్నదే చంద్రబాబు అని, టీడీపీ మెల్లమెల్లగా కాంగ్రెస్ వైపు అడుగులు వేస్తోందని కడియం అన్నారు. అన్నివిధాలా విఫలమైన ప్రభుత్వాన్ని ఓ వైపు తిడుతూ...మరోవైపు తెరవెనక మద్దతు ఇస్తూ చంద్రబాబు డ్రామాలాడుతున్నారని ఆయన మండిపడ్డారు. రాష్ట్రంలో కాంగ్రెస్ - టీడీపీలు కలిసి పనిచేస్తున్నాయని కడియం అన్నారు. కాంగ్రెస్‌కు భరోసా ఇస్తున్న బాబు టీఆర్ఎస్, వైఎస్‌ఆర్ సీపీ అవిశ్వాసానికి ఎందుకు మద్దతివ్వలేదని ప్రశ్నించారు.
0 comments:
Post a Comment