తెలంగాణ రాష్ట్ర సమితిలో సస్పెండ్ అయిన మెదక్ జిల్లా పార్టీ మాజీ అద్యక్షుడు రఘునందనరావు పార్టీ అదినేత కెసిఆర్ కుటుంబంలోనే చిచ్చుపెట్టారన్న కధనాలు వస్తున్నాయి.కెసిఆర్ కుమారుడు తారకరామారావును ఓడించడానికి హరీష్ రావు స్వతంత్ర అభ్యర్దిగా పోటీచేసిన మహేంద్ర రెడ్డికి డబ్బులు పంపించారన్న ఆరోపణ ప్రకంపన సృష్టిస్తోంది.దీనిని నేరుగా మీడియా ముందుకు వచ్చి ఖండించాలని కెటిఆర్ ను హరీష్ రావు కోరారని అంటున్నారు. కాని దీనికి కెటిఆర్ అంత సుముఖంగా లేరని చెబుతున్నారు. అందువల్లనే ఆయన ఒక ఎస్.ఎమ్.ఎస్.ను మొక్కుబడిగా ఇచ్చి సరిపెట్టుకున్నారని అంటున్నారు.కెటిఆర్ కు ఈ ఆరోపణను నమ్ముతున్నారని అనుకోవాలా?లేక ఈ టైమ్ లో హరీష్ కు మద్దతు ఇస్తే తాను బలహీనపడుతానని ఆయన అనుకున్నారా అన్నది చూడాలి.దీంతో హరీష్ రావు కాస్త ఇబ్బంది పడుతున్నట్లు సమాచారం. నేరుగా ఖండిచాలని కెటిఆర్ ను బతిమలాడినా ఆయన అంగీకరించలేదని మీడియాలో కధనం రావడం మాత్రం హరీష్ రావు ప్రతిష్టకు భంగం కలిగించేదే.మొత్తం మీద హరీష్ రావు, కెటిఆర్ ల మద్య విబేధాలు ఇంత బహిరంగంగా బయటకు రావడం ఇదే మొదటిసారి.
0 comments:
Post a Comment