కొత్త కార్పోరేషన్లకు చైర్మన్ల నియామకాలపై ఊహాగానాలు వినిపిస్తున్నాయి. మహిళా కమిషన్ చైర్మన్ గా శ్రీకాకుళం నకు చెందిన సీనియర్ నేత త్రిపురాన వెంకటరత్నం , ఎస్సీ, ఎస్టీ కమిషన్ చైర్మన్ గా నిజామాబాద్ కి చెందిన గంగాధర్ పేరు వినిపిస్తున్నాయి . ఇవే నిజమైతే పార్టీలో మాజీ పీసీసీ ఛీప్ డీ.ఎస్ కు పలుకుబడి పెరిగిందని చెప్పుకోవచ్చు. ఎందుకంటే గంగాధర్ డీ.ఎస్ కు అనుచరుడుగా ఉండంటం, అలాగే త్రిపురాన కూడా డీ.ఎస్ సిఫార్సు చేసినవారు కావడం విశేషం. దీంతో డీ.ఎస్ కు మళ్ళీ గిరాకీ పెరిగిందని చెప్పక తప్పదు.
ఒకపక్కన టిడిపి అధినేత చంద్రబాబు నాయుడు ఎన్నికల సంస్కరణల గురించి నల్లధనం గురించి మాట్లాడుతుంటే, ఆయన పార్టీకి చెందిన మాజీ ఎమ్.పి గద్దె రామ్మోహన్ రావు చేసిన వ్యాఖ్యలు ఆయనను ఇబ్బంది పెట్టేవిగా ఉన్నాయి.చంద్రబాబు నాయుడు డబ్బున్న వారికి ప్రాధాన్యం ఇస్తున్నారన్న అభిప్రాయాన్ని గద్దె వ్యక్తం చేయడం విశేషం.పైగా గద్దె పవర్ ఫుల్ డైలాగులు వాడిన తీరు ఆసక్తికరంగా ఉంది. రాజకీయాల్లో డబ్బు ప్రధానమని, అయితే డబ్బే రాజకీయం కాదని ఆయన ఘాటుగా మాట్లాడారు. టీడీపీ తరఫున ఎంపీ సీటు ఇస్తే తాను డబ్బు ఖర్చు పెడతానని రామ్మోహన్ ప్రకటించారు. పార్టీలోకి కొత్తగా వచ్చినవారు డబ్బు ఖర్చుపెడితే.. ఎప్పటినుంచో పార్టీలో ఉండి డబ్బు ఖర్చుపెడుతున్నవారి పరిస్థితి ఏంటని గద్దె రామ్మోహన్ ప్రశ్నించారు.ఎంపీ సీటు తన డిమాండ్ అని... అయితే పార్టీ అధినేత చంద్రబాబునాయుడు ఆదేశిస్తే ఆ ప్రకారమే నడుచుకుంటానని గద్దె తెలిపారు.కేశినేని ట్రావెల్స్ సంస్థ అధినేత కేశినేని నాని కి విజయవాడ టిక్కెట్ ఇవ్వడానికి చంద్రబాబు నిర్ణయించుకున్నారన్న సమాచారం గద్దెకు జీర్ణం కావడం లేదు.దాంతో ఆయన తన అసంతృప్తిని ఈ విధంగా బయటపెట్టారు.
.JPG)
పులివెందుల : కిరణ్ కుమార్ రెడ్డి సర్కార్ మైనార్టీలో పడిందని వైఎస్ఆర్ కాంగ్రెస్ పార్టీ గౌరవ అధ్యక్షురాలు వైఎస్ విజయమ్మ అన్నారు. మైనార్టీలో ఉన్న ప్రభుత్వాన్ని టీడీపీ అధ్యక్షుడు చంద్రబాబునాయుడు విప్ జారీ చేసి ప్రభుత్వాన్ని కాపాడారని ఆమె వ్యాఖ్యానించారు. రాష్ట్రంతో పాటు కేంద్రాన్ని కూడా బాబే కాపాడుతున్నారని విజయమ్మ ఆరోపించారు.
